Новости

Гульня за шэсць ачкоў - па-іншаму ніяк не скажаш. Нядзельнае супрацьстаянне «Славіі» і «Граніту» пагражае абярнуцца поўнай барацьбы і запалу гульні. Зазірнуўшы ў табліцу, мы ўбачым, што мікашэвіцкую і мазырскую каманды раздзяляе ўсяго два ачкі. І калі «Граніт» вырваўся на другі радок турнірнай табліцы пасля хатняй перамогі над «Гарадзеяй», то дружына з берагоў Прыпяці не змагла здабыць такія важныя ачкі ў Слоніме, бязвольна прайграўшы аўтсайдэру з лікам 1:2.

Паважаныя заўзятары!

Мы хочам паведаміць вам, што сустрэча ФК «Славія» з заўзятарамі, якая павінна была адбыцца ў чацвер у 19.30, ПЕРАНОСІЦЦА на нявызначаны тэрмін. Прыносім вам свае найглыбейшыя прабачэнні. Як толькі стане вядомай дата, калі адбудзецца чарговая сустрэча з заўзятарамі, мы неадкладна дамо вам пра гэта ведаць.

Дзякуй вам за вашу падтрымку!

У апошні дзень вясны мазырская «Славія» на сваім полі прымае гасцей з Мінска - «Зорку -БДУ». Пасля нечаканай гасцявой паразы ад пінскай «Хвалі» мазырчукі пастараюцца зрабіць усё магчымае, каб рэабілітавацца. Тым больш, што палескі глядач будзе чакаць толькі перамогі, бо менавіта такі вынік дае шанец на вяртанне лідыруючых пазіцый у турнірнай табліцы, якія пахіснуліся пасля візіту ў горад над Пінай.

Сёмы тур адзначыцца супрацьстаяннем прадстаўнікоў дзвюх палярных канцоў турнірнай табліцы: мазырская «Славія» ў якасці лідэра першай лігі паедзе ў госці да пінскай «Хвалі». Аднак тыя, хто думае, што вынік сустрэчы вядомы загадзя, глыбока памыляюцца. Так, у мазырчукоў у гэтым сезоне ўжо здарыўся адзін выезд да няўступлівага суперніка, які скончыўся, скажам так, не вельмі ўдала для падапечных Юрыя Пунтуса. Таму і ў нядзелю мазырскай дружыне не будзе лёгка.

ФК Славія- ФК Ліда, preview from Slavia Mazyr on Vimeo.

У сераду, 7 траўня, у 17.30 у Гарадзеі адбудзецца цэнтральны матч 4 тура чэмпіянату Беларусі па футболе ў першай лізе. На невялікім стадыёне ў гарадскім пасёлку сыдуцца два прэтэндэнта на павышэнне ў класе - у госці да «цукровых» завітае мазырская «Славія». Палеская дружына адпраўляецца на выезд у добрым настроі, бо толькі пару дзён таму мазырукамі на хатнім полі былі абыграны рэчыцкія суседзі. А вось у Гарадзеі справы не такія добрыя, як ім, напэўна, хацелася б. Увогуле, чакаецца знатная сеча!

26 красавіка ў 17.00 на стадыёне СДЮШАР-8 горада Гомеля «Славія» згуляе супраць мясцовых чыгуначнікаў.У другім туры чэмпіянату Беларусі сярод каманд першай лігі нас чакае свайго роду дэрбі - мазырчукі адправяцца ў госці да каманды з якія цяжкай для вымаўлення назвай Гомельчыгунтранс, якая, да таго ж, з'яўляецца дэбютантам першай лігі.

Паважаныя заўзятары і аматары футбола!

Перад пачаткам сезону, па ўжо існуючай традыцыі мы даем ўсім мазырчукам магчымасць асабіста сустрэцца з галоўнымі дзеючымі асобамі з трэнерскага штаба і кіраўніцтва нашага футбольнага клуба «Славія».

Паважаныя заўзятары! Мы хацелі б паведаміць вам, што ў сезоне 2014 футбольны клуб «Славія» падрыхтаваў для вас некалькі прыемных новаўвядзенняў, якія, мы спадзяемся, зробяць падтрымку любімай каманды больш зручнай і цікавай для вас.

2 красавіка мазырская «Славія» у рамках перадсезоннай падрыхтоўкі правяла таварыскую сустрэчу супраць менскага «Тарпеда», якое ў сезоне 2014 пасля доўгага перапынку выступіць у другой лізе чэмпіянату Беларусі.

Палешукі цалкам дамінавалі на поле і за ўсю гульню стварылі масу небяспечных момантаў каля варот суперніка, па выніку не пакiнуўшы аўтазаводцам ніякіх шанцаў. Да таго ж варта адзначыць, што каманда выдатна згуляла без замен, вытрымаўшы ўсе 90 хвілін гульні цалкам, пры гэтым паказаўшы даволі актыўны футбол.

«Славія» (Мазыр) - «Тарпеда» (Мінск) - 3:1.

15 сакавіка «Славія» адправілася на чарговы этап перадсезонных збораў у Тамашоўку, што пад Берасцем. Напярэдадні адпраўлення мы пагаварылі з галоўным трэнерам мазырскай каманды, каб высветліць, як рухаецца падрыхтоўка палешукоў да спаборніцтваў у першай лізе.

- Ці задаволеныя Вы тым, як ідзе працэс падрыхтоўкі да сезону?

Увесь мужчынскі калектыў футбольнага клуба "Славія" ад усё душы віншуе ўсіх дзяўчынак і жанчын з надыходзячым міжнародным жаночым днём. Зычым як мага больш усмешак, добрага настрою, а таксама натхнення і лёгкасці ва ўсіх справах. Асобна мы віншуем усіх прадстаўніц прыгожай паловы чалавецтва, якія працуюць побач з намі ў "Славіі". Нам вельмі прыемна, што разам з намі адну справу робяць такія класныя жанчыны. Заставайцеся такімі заўжды!

Хаця завалам спраў у апошні час,

Ледзь урэшце разабраліся з бюджэтам,

Не можам без увагі кінуць вас

23 лютага - у Дзень абаронцы Айчыны, ФК «Славія» падтрымаў міжнародную эстафету «Адціскайся ці будзь анучай». Сутнасць заключаецца ў тым, каб адціснуцца 30 разоў, выкласці запіс у сеціва і перадаць эстафету тром іншым удзельнікам, якія на працягу 24 гадзін павінны будуць зрабіць тое ж самае ці будуць правамерна названыя «анучамі». Гэтая спартыўная эстафета ўжо на ўсю моц ідзе ў Расіі і Латвіі, а цяпер мы вырашылі даць ёй старт і ў Беларусі! Асобна вялікі дзякуй кажам Аляксею Маладому, які і падаў нам гэтую ідэю.

Дзень адчыненых дзвярэй